Мадридтік «Реал» қорғаушы Антонио Рюдигермен қош айтыспақ. Бұл туралы Don Balon басылымы хабарлады.
Перес пен Алонсоның ортақ шешімі
Клуб президенті Флорентино Перес пен жаңадан келген бас бапкер Хаби Алонсо неміс футболшысымен қош айтысу туралы бір шешімге келген. Бұған Рюдигердің клуб құндылықтарына сай келмейтін тәртібі себеп болды.
Рюдигер алаңда жақсы ойын өрнегін көрсеткен сәттері аз болмаған, әсіресе Чемпиондар лигасында. Бірақ оның тәртібі мен сыртқы келбеті клуб басшылығын қынжылтты. Басылымның жазуынша, жаттығу кезінде тәртіп бұзған, командаластарымен кикілжіңге түскен. Бұған қоса, ойыннан тыс уақытта да шулы мәлімдемелері мен жүріс-тұрысы көп сынға ұшыраған.
Жаңа бапкер – жаңа талаптар
Хаби Алонсо тәртіп пен командалық рухқа үлкен мән береді. Жаңа маусымда ол Рюдигерге сенім артпайды және оны өз тактикалық жоспарларына қоспайтыны анық. Алонсо жас әрі тәртіпті орталық қорғаушыларды қарастыруда. Атап айтқанда, Лени Йоро мен Гонсалу Инасиу клуб шорт-листінде тұр.
Күтім ақталмады
2022 жылы «Челсиден» ауысқан Рюдигерден үлкен үміт күтілген еді. Бірақ екі маусымда ол клуб ішіндегі тұрақсыздық көзіне айналды. Перестің ұстанымы анық: клуб бәрінен жоғары. Осыған байланысты Рюдигердің кетуі түпкілікті шешім ретінде қабылданды. Қорғаушы қазіргі уақытта командадан кетуге дайындалып жатыр.
