«Барселона» спорт директоры «Реалдың» жазғы трансферлеріне пікір білдірді
Каталониялық клубтың спорт директоры Деку мадридтік «Реалдың» жазда жасаған жаңа трансферлеріне қатысты пікірін айтты.
Қазіргі уақытта «корольдік клуб» қорғаушылар Дин Хёйсен мен Трент Александер-Арнольдты, сондай-ақ оң қапталдағы жартылай қорғаушы Франко Мастантуононы қатарға қосты.
– «Реалдың» трансферлері туралы не ойлайсыз?
– Орталық қорғаушы Хёйсен – өте сапалы ойыншы. Александер-Арнольд та тамаша қорғаушы.
– Франко Мастантуоноға «Барса» қызығушылық танытты ма?
– «Барселонаның» жағдайы «Реалмен» салыстырғанда өзгеше. Мысал ретінде Витор Рокені айтуға болады. Оны алған кезде Левандовски 34 жаста еді, біз болашақты ойладық. Бірақ сәтсіз таңдалған уақыт пен кейбір жағдайлар бәрін өзгертіп жіберді, – деді Деку La Vanguardia басылымына берген сұхбатында.