Виллаш-Боаш: «Біз Жотаны “Портуға” қайтару үшін жұмыс істеп жатқан едік...»
Оның айтуынша, клуб Диогу Жотаны 2026/27 маусымына қайта шақыруды жоспарлаған.
«Порту» клубының президенті Андре Виллаш-Боаш қайғылы жағдайға байланысты жүрек тебірентерлік мәлімдеме жасады. Оның айтуынша, клуб Диогу Жотаны 2026/27 маусымына қайта шақыруды жоспарлаған.
«Біз агент Жорже Мендешпен бірге Жотаны “Портуға” қайтару жолында жұмыс істедік. Өкінішке қарай, енді бұл орындалмайтын арманға айналды. Бұл мүмкіндік 2026/27 маусымына қатысты еді. Мен осы жаңалықты Жотаның өзіне тойында Жорже арқылы жеткізуді жөн санадым. Бұл — “Порту” жанкүйерлерінің арманы болатын», — деді Виллаш-Боаш (дереккөз: Mirror).
Еске салайық, Диогу Жота 3 шілде күні жол апатынан қаза тапты. Lamborghini көлігі жарылған дөңгелектен соң басқарудан шығып, кюветке құлап, отқа оранған. Көлікте Жота мен оның інісі болған.