Өткен маусымда 25 жастағы Гиббс-Уайт 38 матчқа қатысып, 7 гол соғып, 10 нәтижелі пас берген.
Ағылшынның «Ноттингем Форест» клубы жартылай қорғаушы Морган Гиббс-Уайттың трансферіне байланысты «Тоттенхэмге» қатысты сотқа жүгінуді жоспарлап отыр. Бұл жөнінде Sky Sports хабарлады.
Ақпарат көзінің мәліметінше, «Ноттингем» әзірге келісімшартқа қол қоюды жоспарламайды. Клуб басшылығы «Тоттенхэм» ойыншымен клубтың рұқсатынсыз байланыс орнатып, келісімшарттағы 67 миллион еуро көлеміндегі өтемақы сомасына қатысты құпиялылықты бұзған деп санайды.
Қазіргі уақытта «Ноттингем» Англия Премьер-лигасының басшылығына ресми шағым жолдап, тергеу нәтижелерін күтуде. Егер мәселе шешілмесе, клуб жоғары тұрған органдарға да жүгіну құқығын сақтап отыр.
Айта кетейік, өткен маусымда 25 жастағы Гиббс-Уайт 38 матчқа қатысып, 7 гол соғып, 10 нәтижелі пас берген.
