Қазіргі таңда футболшының жасы 40-та, ал Джорджина – 31-де.
Португалия құрамасының және Сауд Арабиясының «Аль-Наср» клубының жұлдызды шабуылшысы Криштиану Роналду сүйіктісі Джорджина Родригеске некеге тұруға ұсыныс жасады. Бұл жайында испандық модель әлеуметтік желідегі парақшасында хабарлады.
– Мен келісемін. Бұл өмірде де, басқа өмірлерде де, – деп жазды Джорджина, қолындағы гауһар тасты жүзіктің суретін бөлісіп.
Роналду мен Родригес 2016 жылдан бері бірге. Қазір олар бес баланы тәрбиелеп отыр. Криштианудың тұңғышы – Криштиану-жуниор – 2010 жылы дүниеге келген. 2017 жылы футболшы суррогат ана арқылы егіздер – Ева мен Матеоны қарсы алды. Кейін Джорджина оған екі қыз сыйлады – Алана Мартина мен Белла Эсмеральда.
Айта кетейік, Роналду 2010–2015 жылдары ресейлік супермодель Ирина Шейкпен қарым-қатынаста болған.
Қазіргі таңда футболшының жасы 40-та, ал Джорджина – 31-де.
