Команданы Моратаның «Челси» мен Испания құрамасындағы бұрынғы әріптесі Сеск Фабрегас жаттықтырады.
32 жастағы испандық шабуылшы Альваро Мората «Комо» клубына сатып алу құқығымен жалға ауысты. Бұл ақпаратты лига ресми сайтында жариялады, ал «Комо» футболшыны 2025/26 маусымға арналған өтінім тізіміне енгізді. Айта кетейік, команданы Моратаның «Челси» мен Испания құрамасындағы бұрынғы әріптесі Сеск Фабрегас жаттықтырады.
Мората 2024 жылы «Миланға» қосылып, 2028 жылдың жазына дейін келісімшартқа қол қойған еді. Алайда 2025 жылдың ақпанында ол «Галатасарайға» жалға берілді. Бұл келісім мерзімінен бұрын бұзылды. БАҚ мәліметінше, итальяндық клуб түрік командасына 5 млн еуро өтемақы төлейді, ал футболшы өзі ала алмаған 651,6 мың еуро көлеміндегі жалақыдан бас тартқан.
