Жозе Моуринью: «Португалияға карьерамның шыңында оралғым келеді»

Қазіргі таңда «Фенербахче» клубының бас бапкері қызметін атқарып жүрген Жозе Моуринью өз отаны — Португалияға қайта оралуды қалайтынын мәлімдеді. Бұған дейін ол Португалияда «Бенфика», «Лейрия» және «Порту» командаларын жаттықтырған.

«Мен Португалияға міндетті түрде ораламын. Әзірге бұл орындалған жоқ, бірақ болашақта жүзеге асады. Бұл шешімді мансабымды аяқтауға жақын болғандықтан емес, керісінше, әлі де күшім мен энергиям бар кезде қабылдағым келеді. Мен өз еліме тек карьерамның соңын өткізу үшін емес, әлі де жоғары деңгейде жұмыс істеуге дайын күйде барғым келеді», – деді Моуринью Portuguese Soccer басылымына берген сұхбатында.